Na Mosses Mashala Zanzibar .
Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi amewashukuru wasanii wote kwa kuunga mkono juhudi za Serikali katika kuwaletea maendeleo wananchi tangu ameingia madarakani wamekuwa wakijitolea kufikisha ujumbe kupitia sanaa ya burudani na kuitangaza Zanzibar.
Rais Dk.Mwinyi ameyasema hayo alipokutana na Rais na Mmiliki wa Crown Media , Ali Saleh Kiba na ujumbe wake waliofika Ikulu Zanzibar tarehe 24 Januari 2025.
Aidha, Rais Dk.Mwinyi amesema Serikali itaendelea kuwapa ushirikiano Wasanii wote katika shughuli mbalimbali.
Naye , Ali Saleh Kiba amemuahidi Rais Dk.Mwinyi kujitolea bega kwa bega kutangaza mafanikio ya Zanzibar kupitia Sanaa yake ya mziki na kituo chake cha habari cha Crown Media kuwapa habari Wananchi kwa ujumla.
Mwisho