Naibu Waziri Mkuu na Waziri wa Nishati, Mhe. Dkt. Doto Mashaka Biteko, leo tarehe 6 Juni 2025 amefungua rasmi maonesho ya Karibu Kili-Fair yanayofanyika katika viwanja vya Magereza – Kisongo, jijini Arusha. Katika hotuba yake ya ufunguzi, Dkt. Biteko amesema sekta ya utalii ni mhimili muhimu wa uchumi wa taifa kwani inachangia asilimia 7.9 ya pato la taifa na pia ni njia madhubuti ya kuitangaza Tanzania kimataifa.
Amesema kuwa Serikali inaendelea kutekeleza programu mbalimbali kama Royal Tour zinazolenga kuimarisha na kutangaza sekta ya utalii duniani kote kutokana na mchango wake mkubwa katika maendeleo ya kiuchumi huku akiipongeza Wizara ya Maliasili na Utalii pamoja na waandaaji na washiriki wa maonesho ya Karibu Kili-Fair kwa juhudi zao katika kukuza sekta ya utalii.
Kwa upande wake, Mkuu wa Mkoa wa Arusha, Mhe. Paul Makonda, ameiomba Wizara ya Maliasili na Utalii kulitambua eneo la Magereza – Kisongo kama eneo maalum kwa ajili ya maonesho ya kimataifa ya utalii ili kuvutia wageni kutoka mataifa mbalimbali.
Kwa upande wake Mkurugenzi wa Mkurugenzi wa kampuni ya Miracle Air and Miracle Experience hapa anamwelezea Naibu waziri mkuu namna wanavyo saidia jamii katika maswala mbali mbali
Like this:
Like Loading...
