Na Geofrey Stephen A24tv.
BENKI ya CRDB kupitia Programu ya Imbeju imetoa mtaji wa mkopo wezeshi wa sh,bilioni 20.25 kwa vikundi vya ujasiriamali vya wanawake , vijana na makundi maalumu vipatavyo 10,500 tangu mwaka 2023 na kuwapati elimu ya fedha na mafunzo kwa watu wapatao milioni 1.
Aidha katika kipindi cha robo mwaka kutoka Januari hadi Machi Mwaka huu 2025 ,benki hiyo imeshatoa Mkopo wa zaidi ya bilioni 5.6 kwa vikundi mbalimbali nchini.
Pia hadi kufikia mwisho wa mwezi Machi 2025 CRDB Benki imeweza kutoa mikopo yenye thamani ya sh, Trilioni 10.946 kwa sekta zote huku zaidi ya asilimia 30 ya mikopo iliwekezwa kwa wajasiriamali wa awali na kati
Afisa Mkuu wa biashara wa CRDB,Boma Rabala wakati akizungumza katika ufunguzi wa semina ya vikundi vya ujasiriamali zaidi ya 130 vinavyowezeshwa na benki hiyo kutoka wilaya za Arusha.
,Longido,Monduli, Arumeru na Karatu Mkoani Arusha.
Rabala alisema kuwa benki hiyo imejipanga kufanya kazi na wajasiriamali kupitia taasisi yake tanzu ya CRDB Foundation kuhakikisha inawafikia watu wenye biashara changa ili waweze kuwa kichocheo cha kukuza uchumi baada ya kupata elimu ya fedha.
Akifungua semina hiyo mkuu wa wilaya ya Arusha Joseph Mkude aliishukuru benki hiyo kwa ubunifu wa kutoa elimu na mafunzo kwa makundi ya wanawake na vijana ili kunufaika na mikopo wezeshi ya fedha inayotolewa na benki hiyo. Alisisitiza kuwa elimu ya fedha ni nnyenzo muhimu ya kukuza na kujiimarisha kiuchumi .
“Itumieni semina hii kujiimarisha kiuchumi ili mikopo inayotolewa na benki ya crdb iwanufaishe kiuchumi na taifa kwa ujumla”
Mmoja ya washiriki wa semina hiyo,Zamaradi Kuwe kutoka Sakina Arusha,aliipongeza benki hiyo kupitia programunya Imbeju kwa kuwapatia elimu na mafunzo ambayo yamesaidia kuwaimarisha kibiashara na kuweza kurejesha mikopo yao bila wasiwasi.
Alisema kikundi chao walichukua mkopo wa Imbeju na umewasaidia sana,wameweza kurejesha vizuri tofauti na mwanzo walikuWa wakichukua mkopo wa kausha damu, Matone-na Tiririka _ambavo iliwatesa sana
Mwisho .